«Թատերական Լոռի» 29-րդ միջազգային փառատոնի ծրագրում ներառված մանկական ներկայացումների շարքում Վանաձորի տիկնիկային թատրոնի  «Հրաշագործ Օֆ-Օֆը»  բեմականացումն է, որը Ալավերդու փոքրիկ հանդիսատեսին ներկայացվեց սեպտեմբերի 28-ին։

Ներկայացման բեմադրիչը Սերգեյ Մելիքյանն է: Իսկ ներկայացումը հրաշագործ Օֆ ՕՖ-ի մասին է, ով Անուշին օգնում է կատարել խորթ մոր կողմից տրվող դժվար պահանջները: Բայց պատմության վերջում հրաշագործը կատարում է Անուշի ցանկությունը՝ դարձնելով բոլոր մարդկանց բարի և կամեցող:

Վանաձորի տիկնիկային թատրոնի տնօրեն Սևակ Սարգսյանը փառատոնին իրենց մասնակցությունը մեծ ուրախություն է համարում և ակնկալում, որ հաջորդ տարիներին նույնպես  իրենց թատրոնը կլինի մասնակից թատերախմբերի ցանկում:

Փառատոնի հանձնախմբի անդամների կողմից  Վանաձորի տիկնիկային թատրոնի տնօրենին հանձնվեց ավանդական արձանիկն ու մասնակցության դիպլոմը:

Տեսանյութը՝ «Անկյուն գումարած 3» ՀԸ